25.07.2026 | 15:15
Աթլետիկայի Ռուսաստանի առաջնությունը դադարեցվել է անօդաչու թռչող սարքի հարձակման պատճառով
Իսրայելը 5 ժամով մարդասիրական հրադադար է հայտարարել
Քաղաքականություն
16.10.2023 | 11:20
Ամերիկյան NBC հեռուստաընկերության թղթակիցը, վկայակոչելով պաղեստինյան իշխանությունների ներկայացուցչին, հայտնել է, որ երկուշաբթի առավոտյան ժամը 9-ից Ռաֆահի սահմանային անցակետը բաց կլինի Գազայի հատվածում մնացած օտարերկրյա քաղաքացիների անցման համար։ Միաժամանակ հակառակ ուղղությամբ պետք է մարդասիրական օգնություն անցնի անցակետով։
Կիրակի օրը ԱՄՆ պետքարտուղար Էնթոնի Բլինքենը հայտարարել էր, որ Ռաֆահի անցակետը կբացվի Եգիպտոսի նախագահ Աբդել Ֆաթահ Սիսիի հետ բանակցություններից հետո։ Նա, սակայն, չէր հստակեցրել, թե երբ դա տեղի կունենա։
Իր հերթին i24 հեռուստաալիքը հայտնել է, որ Իսրայելի կողմից Գազայի հատվածի հարավում մարդասիրական հրադադարը կսկսվի ժամը 09:00-ին և կտևի հինգ ժամ։ Նշվում է, որ այս ընթացքում Գազայի որոշ բնակիչների թույլ կտան Ռաֆահ անցակետով մեկնել Եգիպտոս։
