24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
ԵՄ-ն կխստացնի Telegram-ի վերահսկողությունը ծայրահեղական բովանդակության և բռնության քարոզչության դեմ պայքարելու համար
Քաղաքականություն
13.10.2023 | 22:22
Հանրահայտ Telegram մեսենջերը շուտով կկանգնի եվրոպական բովանդակության նոր կանոնակարգերի խնդրի առաջ: Ընկերությունը պետք է օրինական ներկայացուցիչ նշանակի Եվրամիությունում (ԵՄ) մինչև 2024 թվականի փետրվարի 17-ը։ Այս պահանջը բխում է «Թվային ծառայությունների մասին» օրենքից (DSA), որն ուժի մեջ է մտել օգոստոսին և ուղղված է ծայրահեղական բովանդակության և սոցիալական ցանցերում բռնության խթանման դեմ, գրում է 3Dnews-ը։
Եվրոպական հանձնաժողովն ընդլայնել է իր լիազորությունները թվային հարթակների վերահսկողության և դրանց հետ փոխգործակցության հարցերում։ Telegram-ն այժմ այն հարթակների թվում է, որից պահանջվում է խստորեն վերահսկել իր օգտատերերի հրապարակած բովանդակությունը:
Եվրոպական հանձնաժողովը պահանջում է ընկերությունից մինչև 2024 թվականի փետրվարի 17-ը նշանակել օրինական ներկայացուցիչ ԵՄ-ում, ինչպես նախատեսված է DSA-ում, Բրյուսելում կայացած ճեպազրույցում հայտարարել է Եվրահանձնաժողովի ներկայացուցիչ Յոհաննես Բարկեն։
Այս օրենքը պահանջում է, որպեսզի սոցիալական ցանցերը լիակատար պատասխանատվություն կրեն օգտատերերի ստեղծած, տարածած բովանդակության համար, ներառյալ՝ անօրինական տեղեկատվության հեռացումը, ինչպիսիք են ծայրահեղական բովանդակությունը կամ բռնության քարոզչությունը: Եթե չկատարվեն DSA-ի պահանջները, ապա դա կարող է հանգեցնել ֆինանսական լուրջ հետևանքների ընկերությունների համար. տուգանքները կարող են կազմել ընկերության ընդհանուր տարեկան շրջանառության մինչև 6%-ը, իսկ ծայրահեղ դեպքերում հարթակը կարող է արգելափակվել ԵՄ երկրներում:
