09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Քաղաքականություն
24.11.2024 | 15:26
Ուկրաինայի նախագահ Վլադիմիր Զելենսկին վստահ է, որ երկիրն ունի բոլոր հնարավորությունները 2025 թվականին պատերազմին վերջ տալու համար: Նա նշել է, որ հունվարին սպասում են ԱՄՆ նորընտիր նախագահի՝ Դոնալդ Թրամփի առաջարկներին, գրում է «Ինտերֆաքս-Ուկրաինան»:
«Մենք բաց ենք բոլոր առաջարկների համար։ Մենք պատրաստ ենք քննարկել աֆրիկյան, ասիական և արաբական երկրների առաջնորդների առաջարկները։ Սակայն կարևոր է նաև լսել Ամերիկայի Միացյալ Նահանգների նոր նախագահի առաջարկները։ Կարծում եմ, որ հունվարին դրանք կստանանք և կունենանք պատերազմին վերջ տալու հստակ ծրագիր»,- հայտարարել է Զելենսկին։
Նա ընդգծել է, որ Ուկրաինան չի մերժում այլ մայրցամաքների գործընկերների կարծիքները և պատրաստ է աշխատել նրանց հետ՝ հակադարձելով ռուսական ապատեղեկատվությանը։
Միաժամանակ նախագահը նշել է, որ գլոբալ հարավը կլինի Ուկրաինայի կողքին և պատերազմը դադարեցնելու կողմում, երբ ԱՄՆ-ն ավելի ուժեղ դիրքերում լինի։
