18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Բիշքեկում մեկնարկել է ԱՊՀ երկրների ղեկավարների գագաթնաժողովը
Քաղաքականություն
13.10.2023 | 12:59
Բիշքեկում՝ Ալա-Արչա պետական նստավայրում մեկնարկել է ԱՊՀ երկրների ղեկավարների գագաթնաժողովը։ Առաջնորդները նախ կզրուցեն առանձին, իսկ ավելի ուշ քննարկումը կշարունակվի ընդլայնված կազմով՝ պատվիրակությունների մասնակցությամբ, գրում է ՏԱՍՍ-ը։
Հանդիպմանը մասնակցում են Ռուսաստանի նախագահ Վլադիմիր Պուտինը, Ղրղզստանի նախագահ Սադիր Ջապարովը (երկիրն այս տարի նախագահում է ԱՊՀ-ում), Ադրբեջանի նախագահ Իլհամ Ալիևը, Բելառուսի ղեկավար Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Տաջիկստանի նախագահ Էմոմալի Ռահմոնը, Թուրքմենստանի նախագահ Սերդար Բերդիմուհամեդովը և Ուզբեկստանի նախագահ Շավքաթ Միրզիյոևը։
Պետությունների ղեկավարները կամփոփեն 2023 թվականի փոխգործակցության արդյունքները և կբացահայտեն ապագայի հիմնական խնդիրները, կարծիքներ կփոխանակեն արդի միջազգային և տարածաշրջանային թեմաների շուրջ։
Հիշեցնենք՝ Հայաստանը չի մասնակցում այս գագաթնաժողովին։
