24.07.2026 | 13:00
Մենք երբեք չենք մերժել փողոցային պայքարը, բնականաբար, դրանք զարգացումներ կունենան. Լիլիթ Գալստյան․ ՏԵՍԱՆՅՈՒԹ
Փարիզում հետաքննում են ռուսական Առաջին ալիքի նախկին խմբագիր Մարինա Օվսյաննիկովայի հնարավոր թունավորումը
Քաղաքականություն
13.10.2023 | 23:14
Փարիզի դատախազությունը հետաքննություն է սկսել ռուսական Առաջին ալիքի նախկին աշխատակից Մարինա Օվսյաննիկովայի հնարավոր թունավորման փաստով։ Այս մասին AFP-ին հայտնել են Փարիզի դատախազությունից։
Հինգշաբթի կեսօրին Օվսյաննիկովան իրեն վատ է զգացել այն բանից հետո, երբ բացել է Փարիզի կենտրոնում գտնվող իր բնակարանի դուռը և հայտնաբերել որոշակի փոշի, հայտնել է հետաքննությանը մոտ կանգնած AFP-ի աղբյուրը: Մեկ այլ աղբյուրի համաձայն՝ լրագրողը ենթադրել է, որ «թունավորվել է ռուսների կողմից»։
Գործակալության մեկ այլ զրուցակից էլ նշել է, որ «այս փուլում» թունավորման մասին որևէ ապացույց չկա։
Չնայած մամուլում հրապարակումներին՝ Օվսյաննիկովան չի ասել, որ իրեն թունավորել են, հայտնել է «Լրագրողներ առանց սահմանների» միջազգային իրավապաշտպան կազմակերպության գլխավոր տնօրեն Քրիստոֆ Դելուարը։
«Մենք կարող ենք դա հաստատել, քանի որ մենք ամբողջ օրը նրա հետ ենք եղել»,- գրել է նա X սոցիալական ցանցում:
