06.09.2026 | 13:21
Հրդեհ է բռնկվել Երևանի Արարատյան փողոցի բնակարաններից մեկում․ փրկարարները տարհանել են բնակիչներին
ՀՔԾ-ից չեն մեկնաբանում՝ քրեական հեղինակությունները Վաչագան Ղազարյանի գրավը վճարելու ցանկություն հայտնել են, թե ոչ
Հասարակություն
23.07.2018 | 18:29
«Սերժ Սարգսյանի թիկնազորի նախկին պետ Վաչագան Ղազարյանի գործը գտնվում է Հատուկ քննչական ծառայության վարույթում։ Վաչագան Ղազարյանը մինչ այս պահը գտնվում է անազատության մեջ և հստակ ժամկետ այդ մասով սահմանված չէ։ Նա անազատության մեջ կմնա այնքան ժամանակ, քան դեռ չի վճարվել սահմանված գրավի չափը՝ 1 միլիարդ դրամը»։
Այս մասին Factor.am-ի հետ զրույցում ասաց Հատուկ քննչական ծառայության մամուլի քարտուղար Մարինա Օհանջանյանը։
Հարցին՝ իրականությանը համապատասխանում են լուրերն, ըստ որոնց, օրերս Հայաստան ժամանած քրեական մի խումբ հեղինակություններ պատրաստակամություն են հայտնել վճարել Վաչագան Ղազարյանի համար սահմանված գրավը և գործը քննող կառույցից մերժում ստանալով հեռացել են, Մարինա Օհանջանյանը պատասխանեց․ «Ես այդ հարցը կթողնեմ առանց մեկնաբանության, որևէ բան չեմ կարող ասել»։
Այս հարցի վերաբերյալ որևէ բան մեզ չհաջողվեց պարզել նաև Ազգային անվտանգության ծառայությունից։
Մամուլի պատասխանատու Սամսոն Գալստյանը նշեց, որ քանի որ գործը գտնվում է ՀԳԾ-ի վարույթում, ուստի իրենք նման տեղեկատվություն չունեն։
Հիշեցնենք, որ Վաչագան Ղազարյանը կալանավորվել է հունիսի 27-ին։ Նրան մեղադրանք է առաջադրվել ՀՀ քրեական օրենսգրքի 314.3-րդ հոդվածի 2-րդ մասով եւ 310.1-ին հոդվածի 1-ին մասով նախատեսված հանրորեն վտանգավոր արարքների կատարման համար:
Աղավնի Սուքիասյան
