23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Հայաքվեն» օրենսդրական նախաձեռնությունը մուտքագրել Է ԱԺ
Քաղաքականություն
11.10.2023 | 13:03
«Հայաքվե» նախաձեռնությունն անհրաժեշտ 50 հազար ստորագրությունը հավաքել է և այսօր ԱԺ է մուտքագրում կից նախագիծը։ Այս մասին տեղեկանում ենք նախաձեռնության տարածած հաղորդագրությունից։
Հիշեցնենք, որ նախաձեռնությունն առաջարկում է Քրեական օրենսգրքում փոփոխություններ կատարել, ըստ որոնց, Արցախն Ադրբեջանի կազմում ճանաչող պաշտոնատար անձին 10-15 տարվա ազատազրկում կսպառնա։
«Բնականաբար, շատերի մոտ հարց է առաջանում, թե Ադրբեջանի կողմից Արցախի օկուպացիայից և այնտեղ իրականացված էթնիկ զտումներից հետո որքանո՞վ է արդիական այս օրենքի նախագիծը։ Կարծում ենք, որ արդիական է և հետևյալ բացատրությունն ենք տալիս։
Այն, ինչ տեղի է ունեցել Արցախում, միջազգային իրավունքի կոպտագույն խախտում է։ Հասկանալի է, որ Արցախն իրականում հանդիսացել է միջազգային իրավունքի սուբյեկտ, երկար տարիներ եղել է բանակցությունների կողմ, Արցախի կարգավիճակի հետ կապված եղել են Մադրիդյան սկզբունքներ, որոնք մշակվել են Մինսկի խմբի համանախագահների կողմից, ուստի՝ Արցախը, որպես միջազգային իրավունքի սուբյեկտ, չի կարող պարզապես վերանալ էթնիկ զտման արդյունքում», – լրագրողների հետ զրույցում ասել է նախաձեռնության ներկայացուցիչներից Ավետիք Չալաբյանը։
Factor TV-ն թեմային ավելի վաղ անդրադարձել էր «10-15 տարվա ազատազրկում՝ Արցախն Ադրբեջանի կազմում ճանաչելու դեպքում․ ինչ արդյունք կունենա «Հայաքվե»-ի նախաձեռնությունը» տեսանյութում։
