20.06.2026 | 09:30
Էլինա Ավանեսյանն օգնել է Հայաստանի հավաքականին հաղթել Բիլի Ջին Քինգի գավաթի խմբում
Երևանում ու Բաքվում բանակցություններից հետո Լուիս Բոնոն կայցելի Փարիզ ու Բրյուսել
Քաղաքականություն
11.10.2023 | 13:25
ԱՄՆ Պետքարտուղարության Կովկասյան բանակցությունների գծով ավագ խորհրդական Լուիս Բոնոն ներկայումս գտնվում է տարածաշրջանում՝ քննարկելու ԱՄՆ-ի աջակցությունը խաղաղության գործընթացին։ Այս մասին հայտնում է ադրբեջանական TURAN գործակալությունը։ «Այդ այցերի ընթացքում պարոն Բոնոն հանդիպում է հիմնական շահագրգիռ կողմերի հետ»,- ասել է գործակալության ամերիկացի աղբյուրը։ Նշվում է, որ Բոնոն երկուշաբթի եղել է Բաքվում, երեքշաբթի՝ Երևանում։ Պետդեպի պաշտոնյան ասել է, որ «Միացյալ Նահանգներ վերադառնալու ճանապարհին նա կանգ կառնի Փարիզում և Բրյուսելում»։
Հավելենք, որ Բաքվում Բոնոն հանդիպել էր Ադրբեջանի ԱԳ նախարար Ջեյհուն Բայրամովին ու քննարկել Արցախում իրավիճակը։ Երևանում կայացած հանդիպումների արդյունքների վերաբերյալ պաշտոնական տեղեկություններ դեռ չկան։ ՀՀ ԱԳՆ-ից Factor.am-ին հայտնեցին, որ հաղորդագրություն կտարածեն։
