15.09.2026 | 18:03
«Քրոջս հաշվին եք ուզում «հողեր հետ բերել», որը զոհվել է 2022-ին՝ ծառայության ընթացքում»․ Ալխաս Ղազարյան․ ՏԵՍԱՆՅՈՒԹ
Իսրայելը ոչնչացրել է ՀԱՄԱՍ-ի 1500 գրոհայինների և վերականգնել վերահսկողությունը Գազայի հատվածի հետ սահմանի նկատմամբ
Քաղաքականություն
10.10.2023 | 23:00
Իսրայելի Պաշտպանության բանակը «քիչ թե շատ վերականգնել է ամբողջական վերահսկողությունը» Գազայի հատվածի հետ սահմանի նկատմամբ ՀԱՄԱՍ-ի հարձակումից հետո։ Այս մասին գրում է CNN-ը՝ վկայակոչելով Իսրայելի Պաշտպանության բանակի խոսնակ Ռիչարդ Հեխտին։
«Եթե խոսենք հարավի մասին, մենք քիչ թե շատ վերականգնել ենք լիակատար վերահսկողությունը սահմանամերձ պարսպի նկատմամբ։ Հուսով ենք, որ մոտակա ժամերին սա վերջնական կլինի»,- ասել է Հեխտը ճեպազրույցի ժամանակ։
Իսրայելական բանակը, ըստ Պաշտպանության բանակի ներկայացուցչի, ոչնչացրել է ՀԱՄԱՍ-ի շուրջ 800 օբյեկտ և սպանել «հարյուրավոր զինյալների», վիրավորել հազարավորներին և գերեվարել տասնյակներին։ Իսրայելական կործանիչները Գազայի հատվածում գիշերը խոցել են ավելի քան 200 թիրախ, գրում է CNN-ը՝ վկայակոչելով Իսրայելի Պաշտպանության բանակի հայտարարությունը։
Նշվում է, որ դրանք ներառում են մզկիթներ, որտեղ պահվում էր ՀԱՄԱՍ-ի զենքը, և որտեղ գտնվում էր խմբավորման օպերատիվ հրամանատարական կենտրոնը:
Իսրայելի տարածքում ՀԱՄԱՍ-ի զինյալների 1500 դի է հայտնաբերվել, իր հերթին գրում է The Times of Israel-ը։
