07.09.2026 | 21:33
Volkswagen-ը գերմանական ավտոգործարաններից մեկը վերափոխում է՝ իսրայելական պաշտպանական տեխնիկա կարտադրի
Նախկին իշխանությունները կարող են սադրած լինել Փանիկի գործողությունները՝ ուշադրություն շեղելու համար, քանի որ ոչ ոք չի ուզում բանտ ընկնել․ Ս․ Գրիգորյան․ ՏԵՍԱՆՅՈՒԹ
Քաղաքականություն
23.07.2018 | 14:06
Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ, քաղաքագետ Ստեփան Գրիգորյանը Փանիկ գյուղում կատարված դեպքի ուսումնասիրության համար որպես վարկած առաջարկում է դիտարկել նախկին իշխանությունների փայլուն հարաբերությունները ռուսական իշխանությունների հետ։
«Նախկին իշխանությունները, լինելով փայլուն հարաբերությունների մեջ ռուսական ռազմաբազայի ղեկավարության հետ, կարող են սադրած լինել այդ գործողությունները՝ ուշադրություն շեղելու համար, քանի որ ոչ ոք չի ուզում բանտ ընկնել»,- ասաց նա այսօր կազմակերպված «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ժամանակ։
Խոսելով կատարված դեպքին հայկական կողմից տրված գնահատականի մասին՝ Ստեփան Գրիգորյանը նշեց, որ մինչ այսօր իր համար անհասկանալի է՝ արդյոք հայկական կողմը կապ հաստատե՞լ է ռուսական կողմի հետ։
«Այս կոնֆլիկտը կապված է մեծ քաղաքականության հետ, թե կապված է զուտ այդ ռազմաբազայի անփութության հետ։ Այս ազդակը գալիս է Կրեմլից, թե ինչ-որ մարդիկ, ինչ-որ հարցեր են լուծում։ Ես դեռ չեմ լսել, որ ինչ-որ մարդիկ նման քայլեր են արել։ Եթե մենք այս հարցերը չքննարկենք Կրեմլի հետ, խնդիրներ կառաջանան»,- նկատեց քաղաքագետը։
Մանրամասները՝ տեսանյութում։
