25.02.2026 | 16:07
Մարդանման ռոբոտները մարտարվեստի շոու են ցուցադրել Պեկինի տաճարում. ՏԵՍԱՆՅՈՒԹ
Լիբանանը չի ցանկանում պատերազմել Իսրայելի հետ․ Նաջիբ Միքաթի
Քաղաքականություն
09.10.2023 | 22:24
Լիբանանը չի ցանկանում ներքաշվել Իսրայելի և ՀԱՄԱՍ-ի միջև շարունակվող հակամարտության մեջ: Այս մասին հայտարարել է Լիբանանի վարչապետ Նաջիբ Միքաթին, հաղորդում է NNA պետական լրատվական գործակալությունը:
«Մենք չենք ցանկանում, որ Լիբանանը ներքաշվի շարունակվող պատերազմի մեջ, և մենք աշխատում ենք այդ ուղղությամբ»,- ասել է Միքաթին Լիբանանի արտգործնախարար Աբդուլլահ Բու Հաբիբի հետ հանդիպման ժամանակ։
Նա հավելել է, որ լիբանանյան կառավարության առաջնահերթություններից մեկը երկրի հարավում «անվտանգության և կայունության պահպանումն է»:
Միաժամանակ, Հըզբոլլահը հայտարարել է, որ Իսրայելում ոչ մի գործողություն չի իրականացրել։ Հայտարարությունը հաջորդել է Իսրայելի պաշտպանության բանակի հաղորդագրություններին, որ իսրայելցի զինվորականները երկու զինյալի են սպանել Լիբանանի հետ սահմանի մոտ:
