06.09.2026 | 13:21
Հրդեհ է բռնկվել Երևանի Արարատյան փողոցի բնակարաններից մեկում․ փրկարարները տարհանել են բնակիչներին
Արթուր Ասատրյանի՝ Դոդ Պիպոյի գործով կդիմեն Վճռաբեկ դատարան
Հասարակություն
23.07.2018 | 12:32
Շուրջ մեկ ամիս անազատության մեջ գտնվող Արթուր Ասատրյանի «Դոն Պիպոյի» խափանման միջոցը փոխելու հարցով պաշտպանական կողմը կդիմի Վճռաբեկ դատարան. այս մասին տեղեկացանք Ասատրյանի պաշտպան Գեղամ Հակոբյանից:
«Այս պահին, դեռ Վճռաբեկ դատարան չենք դիմել, գործով տեղաշարժ չկա»,- ասաց նա։
Վերաքննիչ դատարանը, հիշեցնենք, մերժել էր պաշտպանական կողմի կալանքի փոփոխության վերաբերյալ միջնորդությունը։ Փաստաբանը նաև տեղեկացրեց, որ Արթուր Ասատրյանի առողջական վիճակը լավ է։
Հիշեցնենք՝ «Դոն Պիպոյին» մեղադրանք է առաջադրվել ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերով («Մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը») և 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով:
