25.04.2026 | 19:17
Հայաստանի Մ-17 հավաքականը Երևանում պարտվեց Հունգարիային․ ՏԵՍԱՆՅՈՒԹ
Ռուսաստանը Սյունիքում գլխավոր հյուպատոսություն կբացի
Քաղաքականություն
06.10.2023 | 17:43
Հայաստանում ՌԴ դեսպանությունը հայտնում է, որ Սյունիքում գլխավոր հյուպատոսություն կբացի։ Հաղորդվում է, որ հոկտեմբերի 5-ին Մեղրիում քննարկում է տեղի ունեցել Կապանում Ռուսաստանի գլխավոր հյուպատոսության բացման առաջնահերթ խմբի ղեկավարի և Մեղրիի քաղաքապետի միջև։
«Քննարկվել են Սյունիքի մարզում Ռուսաստանի նոր հյուպատոսական գրասենյակի վաղաժամ բացման հեռանկարները, ինչը զգալիորեն կպարզեցնի հյուպատոսական ծառայությունների հասանելիությունը Հայաստանի հարավում բնակվող ՌԴ քաղաքացիների համար։ Բացի այդ, նշվել է, որ նոր գլխավոր հյուպատոսությունը կնպաստի ռուս-հայկական հարաբերությունների հետագա ամրապնդմանը և տարածաշրջանում իրավիճակի կայունացմանը, ինչպես նաև կնպաստի մշակութային, հումանիտար, առևտրային, տնտեսական և միջտարածաշրջանային համագործակցության ընդլայնմանը»,- գրված է Հայաստանում ՌԴ դեսպանության հաղորդագրության մեջ
Դեսպանությունը նաև նշել է, որ սա համագործակցության զարգացման նոր քայլ է։
Դեռևս մայիսին Հայաստանի ԱԳՆ-ն դրական էր արձագանքել Սյունիքում ՌԴ գլխավոր հյուպատոսություն բացելու առաջարկին։ ԱԳՆ խոսնակ Անի Բադալյանը Factor.am-ին ասել էր, որ գերատեսչությունը դեռևս ապրիլին է իր համաձայնության մասին հայտնել ռուսական կողմին:
