23.04.2026 | 15:10
Փաշինյանը՝ ՀԱՊԿ-ից դուրս գալու մասին // ԿԸՀ փաստաթղթեր ներկայացնելու վերջնաժամկետն է․ ԼՈՒՐԵՐ
ՀՀ ՊՆ-ում տեղյակ չեն ՌԴ ՊՆ պատվիրակության այցի մասին
Քաղաքականություն
06.10.2023 | 13:31
ՀՀ Պաշտպանության նախարարությունում տեղյակ չեն ՌԴ ՊՆ պատվիրակության այցի մասին, ինչի մասին այսօր հայտնել են ռուսական աղբյուրները։
«ՀՀ ՊՆ-ն ՌԴ ՊՆ պատվիրակության այցի վերաբերյալ, ինչի մասին քիչ առաջ մամուլը գրեց, որևէ տեղեկություն չունի։ Նման հանդիպում ՀՀ ՊՆ-ում ծրագրված չէ»,- Factor.am-ի հետ զրույցում ասաց գերատեսչության մամուլի խոսնակ Արամ Թորոսյանը։
Ավելի վաղ տեղեկացրել էինք, որ ՌԴ Պաշտպանության նախարարության պատվիրակությունն այսօր այցելելու է Երևան՝ քննարկելու Լեռնային Ղարաբաղից ռուսական խաղաղապահ զորախմբի դուրսբերման ժամկետները։ Ռուսական ՏԱՍՍ գործակալությանն այս մասին հայտնել էր դիվանագիտական աղբյուրը։
Հիշեցնենք, որ ռուս խաղաղապահներն Արցախում տեղակայվել էին 2020 թվականի նոյեմբերի 9-ի եռակողմ հայտարարության համաձայն՝ հինգ տարի ժամկետով։ Սակայն Արցախում Բաքվի կողմից իրականացված էթնիկ զտումից հետո խաղաղապահներն այնտեղ, ըստ էության, անելիք չունեն։
Արփի Հակոբյան
