02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Գերմանիան Լիտվայում 4 հազարանոց բրիգադ կտեղակայի
Քաղաքականություն
04.10.2023 | 23:15
Գերմանիան նախատեսում է Լիտվա ուղարկել 4 հազարանոց զինվորականների բրիգադ, հայտարարել է Գերմանիայի պաշտպանության նախարար Բորիս Պիստորիուսը։ Նա նշել է, որ Գերմանիան առաջին անգամ արտերկրում կտեղակայի զինվորականների մի ամբողջ բրիգադ։
Նախարարի խոսքով՝ նախատեսվում է կազմավորումը ստեղծել 2024 թվականի վերջին։
«Մինչև նոյեմբերի վերջ կամ դեկտեմբերի սկիզբ մենք կունենանք ճանապարհային քարտեզ, այնուհետև մենք ավելի հստակ կիմանանք՝ ինչպես առաջ շարժվել»,- ասել է Պիստորիուսը, փոխանցում է Կոմերսանսը:
Նա պարզաբանել է, որ զինվորների ընտանիքների համար կպահանջվեն զորանոցներ, պահեստներ, ուսումնական հրապարակներ, ինչպես նաև քաղաքացիական ենթակառուցվածքներ։ Բրիգադի ստեղծման մյուս կետը Լիտվա կամավորներ ներգրավելն է, սակայն դեռ վաղ է այդ թեման քննարկել, հավելել է Գերմանիայի պաշտպանության նախարարը։
Բորիս Պիստորիուսը նաև հայտնել է, որ Գերմանիայի կառավարությունը դիտարկում է Էստոնիայում զինամթերքի արտադրություն սկսելու հարցը։
