30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
ԱՄՆ Սենատի արտաքին հարաբերությունների հանձնաժողովի նոր նախագահը՝ Թուրքիային F-16 կործանիչներ վաճառելու մասին
Քաղաքականություն
29.09.2023 | 23:30
ԱՄՆ Սենատի արտաքին հարաբերությունների հանձնաժողովի նոր նախագահ, դեմոկրատ Բեն Քարդինը հայտարարել է, որ կվերանայի Թուրքիայի հետ 20 միլիարդ դոլար արժողությամբ Lockheed Martin F-16 կործանիչների գործարքը, գրում է Turkish Minute-ը։
«Ես պետք է խոսեմ վարչակազմի հետ շատ հարցերի շուրջ, քանի որ սա ավելի քան մեկ հարցի մասին է, և ես պետք է դա հասկանամ»,- լրագրողներին ասել է Բեն Քարդինը Ներկայացուցիչների պալատի ղեկավարումը ստանձնելուց մեկ օր անց:
Նա ասել է, որ ՆԱՏՕ-ի դեսպանի հանդիպման ժամանակ թուրք պաշտոնյաների հետ քննարկել է Շվեդիայի ՆԱՏՕ-ին անդամակցության հարցը:
«Նրանք պնդում են, որ դա կարվի հաջորդ ամսվա առաջին կեսին։ Եթե դա իրականում ճիշտ է, ապա գոնե մենք կունենանք ՆԱՏՕ-ի հարցը լուծված, բայց բացի ՆԱՏՕ-ին ուղղակի անդամակցությունից՝ կան նաև այլ հարցեր, որոնք պետք է լինեն մեր քննարկումների մաս, երբ մենք առաջ շարժվենք»,- ասել է նա։
Հավելենք, որ հանձնաժողովի նախորդ նախագահը՝ սենատոր Բոբ Մենենդեսը, ամիսներ շարունակ արգելափակում էր կործանիչների վաճառքը ՆԱՏՕ-ին Շվեդիայի անդամակցելուն Թուրքիայի դեմ լինելու, ինչպես նաև նախագահ Ռեջեփ Թայիփ Էրդողանի՝ մարդու իրավունքների վիճակի և հարևան Հունաստանի օդային տարածքի թռիչքների պատճառով։
Սենատի կանոնները ստիպեցին Մենենդեսին հեռանալ հանձնաժողովի ղեկավարի պաշտոնից այն բանից հետո, երբ դատախազները հայտարարել էին, որ նա և կինը մեղադրվում են կաշառակերության մեջ։
Հավելենք, որ Թուրքիայի խորհրդարանն այդպես էլ չի շտապում վավերացնել Շվեդիայի անդամակցության հայտը։
Էմմա Չոբանյան
