30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
Ալիևը հայտարարել է, թե «Ղարաբաղի հայերի իրավունքներն ապահովվելու են»
Քաղաքականություն
29.09.2023 | 18:23
Ադրբեջանի նախագահ Իլհամ Ալիևը հայտարարել է, թե Արցախի հայերի իրավունքները, իբր, ապահովվելու են։
«Մենք ապահովելու ենք Ղարաբաղի հայ բնակչության իրավունքները։ Մենք նրանց արդեն ուրվագծել ենք մեր տեսլականն այս հարցի՝ վերաինտեգրման, նրանց իրավունքների վերաբերյալ»,- ասել է Ալիևը Բաքվի կողմից կազմակերպված հերթական քարոզչական ֆորումի ժամանակ։
Նրա խոսքով՝ Ղարաբաղում հայերի կրոնական, մշակութային և այլ իրավունքների հետ կապված բոլոր հարցերը կլուծվեն միջազգային կոնվենցիաներին համապատասխան։
«Դրանք կիրականացվեն բոլոր կոնվենցիաներին համապատասխան, որոնց կողմ է Ադրբեջանը, մեր Սահմանադրության ու մեր միջազգային պարտավորությունների համաձայն»,- ընդգծել է Ալիևը։
Բացի այդ, նա նշել է, թե Բաքուն ու Երևանն արդեն կարող են արագացնել խաղաղության պայմանագրի ստորագրումը։
Էմմա Չոբանյան
