25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Կրեմլը ուշադիր հետևում է Լեռնային Ղարաբաղում իրավիճակի զարգացմանը
Քաղաքականություն
28.09.2023 | 16:32
Կրեմլը ուշադիր հետևում է Լեռնային Ղարաբաղում իրավիճակի զարգացմանը, ներառյալ՝ դրա հումանիտար ասպեկտին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
Արցախի նախագահ Սամվել Շահրամանյանի կողմից 2024 թվականի հունվարի 1-ից ԼՂՀ-ի գոյությունը դադարեցնելու մասին հրամանագրի ստորագրումը մեկնաբանելու խնդրանքին ի պատասխան՝ Պեսկովն ասել է. «Մենք հաշվի ենք առնում, ուշադիր հետևում ենք իրավիճակի զարգացմանը, առաջին հերթին, իհարկե, հումանիտար ասպեկտին, դա ամենակարևորն է»։
«Մեր խաղաղապահները շարունակում են օգնել մարդկանց, շատերը ցանկություն են հայտնում անցնել հայկական տարածք, աջակցություն է ցուցաբերվում ցանկացողներին»,- հավելել է Կրեմլի խոսնակը։
Նա նաև նշել է, որ հրապարակված փաստաթղթի կետերից մեկում ասվում է, որ բնակչությունը պետք է ծանոթանա Բաքվի առաջարկած վերաինտեգրման պայմաններին։
«Մենք, իհարկե, կշարունակենք ուշադրություն դարձնել այս հումանիտար ասպեկտներին»,- ասել է Պեսկովը։
