17.02.2026 | 10:42
NYMEX. Թանկարժեք մետաղների գները նվազել են
Կառավարությունը 1 մլրդ 188 մլն դրամ կհատկացնի 22 կմ ճանապարհի ասֆալտապատման համար․ ՏԵՍԱՆՅՈՒԹ
Տնտեսություն
28.09.2023 | 12:34
Ընթանում է ՀՀ կառավարության հերթական նիստը։ Օրակարգում ներառված է 40 հարց, որից զեկուցվող է 3-ը, մեկը գաղտնի է։
«Միջպետական և հանրապետական նշանակության ավտոճանապարհների միջին նորոգում» միջոցառման կատարումն ապահովելու նպատակով Կառավարությունն ընդունեց որոշում:
ՏԿԵ նախարար Գնել Սանոսյանի խոսքով՝ նախատեսվում է ֆինանսավորվել ընդհանուր 22.5 կմ ճանապարհների միջին նորոգման աշխատանքներ, որից միջպետական նշանակության ավտոճանապարհներ` 15,2 կմ, հանրապետական նշանակության ավտոճանապարհներ` 7,3 կմ:
«3 ճանապարհահատվածների միջին նորոգման աշխատանքների ընդհանուր արժեքը կազմում է 1 մլրդ 188 մլն դրամ: Գումար է հատկացվել հետևյալ աշխատանքների համար՝ Պուշկինի թունելից-Գարգառ գյուղ տանող՝ միջպետական նշանակության ավտոճանապարհի միջին նորոգման՝ ընդհանուր 4 կմ, 199 մլն դրամ, Փոքր Վեդի-Ոսկետափ-Ավշար միջպետական նշանակության ավտոճանապարհի միջին նորոգման՝ ընդհանուր 11.2 կմ, 600 մլն դրամ, Շաքի-Սիսիան-Տոլորս հանրապետական նշանակության ավտոճանապարհի միջին նորոգման՝ ընդհանուր 7.3 կմ, 388 մլն դրամ»,- նշեց նախարարը։
Մանրամասները՝ տեսանյութում։
