10.04.2026 | 20:10
Շահավետ առաջարկներ՝ գործարարներին, աննախադեպ նորարարություններ․ LEASING EXPO-ն 4-րդ անգամ բացեց իր դռները․ ՏԵՍԱՆՅՈՒԹ
Ռուսաստանն Իրանից կարող է հրթիռներ գնել հոկտեմբերի 18-ից հետո. ISW
Քաղաքականություն
28.09.2023 | 23:13
Մոսկվան և Թեհրանը կարող են անօդաչու թռչող սարքերի և հրթիռների վաճառքի շուրջ համաձայնության գալ հոկտեմբերի 18-ից հետո, երբ լրանում է իրանական զենքի նկատմամբ ՄԱԿ-ի սահմանափակումների ժամկետը, գրում է Պատերազմի ուսումնասիրության ամերիկյան ինստիտուտը (ISW):
Սեպտեմբերի 20-ին Իսլամական հեղափոխության պահապանների կորպուսի օդատիեզերական ուժերի հրամանատար, բրիգադային գեներալ Ամիր Ալի Հաջիզադեն Ռուսաստանի պաշտպանության նախարար Սերգեյ Շոյգուի հետ շրջայց է կատարել Իրանի անօդաչու թռչող սարքերի, հրթիռների և հակաօդային պաշտպանության զորանոցում:
Շոյգուն Իրանի պաշտպանության նախարար, բրիգադային գեներալ Մոհամմադ Ռեզա Աշտիանիի հետ քննարկել է նաև ՄԱԿ-ի Անվտանգության խորհրդի 2231 բանաձևով նախատեսված հրթիռների և այլ զինատեսակների հետ կապված Իրանի դեմ պատժամիջոցների ժամկետի ավարտը։
Հոկտեմբերի 18-ից հետո Իրանն ազատ կլինի հրթիռներ և հարակից տեխնոլոգիաներ արտահանել առանց միջազգային վերահսկողության, ինչը թույլ կտա նրան բավարարել Ռուսաստանի ռազմական կարիքները, ասվում է ինստիտուտի զեկույցում:
Սեպտեմբերի 5-ին Աշտիանին ասել է, որ Իրանի Պաշտպանության նախարարությունը պատրաստ է պաշտպանական և ռազմավարական հարաբերություններ զարգացնել «բոլոր անկախ և դաշնակից երկրների հետ» պատժամիջոցների ժամկետի ավարտից հետո:
