17.12.2025 | 14:30
Խաղաղության նոր պլանը ներառում է ԱՄՆ-ի և Եվրոպայի ուժերի կողմից ռուսական ագրեսիան կանխելու կոնկրետ մեխանիզմներ. NYT
Այսօր անօթևան մարդ չկա ու չպետք է լինի․ փոխվարչապետը՝ ԼՂ-ից տեղահանվածների մասին․ ՏԵՍԱՆՅՈՒԹ
Հասարակություն
28.09.2023 | 11:56
Ընթանում է ՀՀ կառավարության հերթական նիստը։ Օրակարգում ներառված է 40 հարց, որից զեկուցվող է 3-ը, մեկը գաղտնի է։
Արտաքին գործերի նախարար Արարատ Միրզոյանը, դիմելով փոխվարչապետ Տիգրան Խաչատրյանին, հետաքրքրվեց. «Ասացիք՝ 11 հազար մարդ կա Կառավարության տրամադրած կացարաններում, իսկ մնացած 50-53 հազարը ունե՞ն մնալու տեղ, թե՞ կա որոշակի հատված, որ կա՛մ վրանային պայմաններում է, կա՛մ անօթևան»:
Խաչատրյանը պատասխանեց, որ անօթևան մարդիկ եթե կան էլ, ապա դա ժամերի հարց է:
«Մենք բոլոր այդ հարցերը կարգավորում ենք, մենք յուրաքանչյուր կետում՝ և՛ Գորիսում, և՛ Վայքում, առաջին հարցը, որ տալիս ենք մեր հայրենակիցներին, այն է՝ արդյոք կարիք ունե՞ն, որ մենք իրենց օթևանով ապահովենք, թե՞ գիտեն՝ ուր են գնում: Այն մարդիկ, որ ասել են՝ ունեն մեր օգնության կարիքը, այս 11 հազար մարդիկ են այս պահի դրությամբ:
Մեծ հաշվով բոլոր նրանք, ովքեր այս 11 հազարի թվում չեն, ասել են, որ գիտեն, թե ուր են գնում: Իհարկե, մենք հասկանում ենք, որ այդ գիտենալը ևս կարող է պայմանական լինել, և որոշ ժամանակ հետո ունենան այդ խնդիրը, և մենք այդ հարցերը կարգավորելու պլան նույնպես ունենք: Առաջնահերթ կկարգավորենք բոլոր նրանց, ովքեր մեր կարիքն ունեն, հետո կանցնենք միջնաժամկետ ու երկարաժամկետ ծրագրերի, բայց ամենակարևորն այն է, որ այսօր առանց ծածկի մարդ չկա և չպետք է լինի»,- նշեց փոխվարչապետը:
Մանրամասները՝ տեսանյութում։
