Քաղաքականություն
27.09.2023 | 22:53
Ուկրաինան հաջորդ տարի կստանա F-16 կործանիչներ, Նիդերլանդներն այժմ աշխատում է Ռումինիայում գործող ուսումնական կենտրոնի գործարկման ուղղությամբ։ Այս մասին MSNBC հեռուստաալիքի եթերում հայտարարել է Նիդերլանդների պաշտպանության նախարար Կաիսա Օլոնգրենը, փոխանցում է Korrespondent-ը։
Նրա խոսքով՝ F-16 ինքնաթիռների ուկրաինացի օդաչուների և տեխնիկական անձնակազմի վերապատրաստումը, հավանաբար, կտևի 6-ից 8 ամիս:
«Մենք իրականում չգիտենք, թե որքան կտևի այս ուսուցումը, ուստի մենք գնահատում ենք վեցից ութ ամիս, ինչն իսկապես շատ արագ է՝ մեր օդաչուների ուսուցման հետ համեմատ: Բայց դա կախված է բազմաթիվ գործոններից»,- ասել է Օլոնգրենը:
Ըստ պաշտոնյայի՝ Նիդերլանդները ներկայում աշխատում է հնարավորինս շուտ Ռումինիայում գործող ուսումնական կենտրոնի գործարկման ուղղությամբ։
