23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Նախիջևանում նոր ռազմական համալիր է բացվել
Քաղաքականություն
26.09.2023 | 13:28
Ադրբեջանի և Թուրքիայի նախագահներ Իլհամ Ալիևը և Ռեջեփ Թայիփ Էրդողանը նախօրեին մասնակցել են Նախիջևանի ռազմական վերակառուցման և արտադրական համալիրի բացմանը, գրում են ադրբեջանական լրատվամիջոցները։
Ադրբեջանի ՊՆ ղեկավար Զաքիր Հասանովը, մասնավորապես, ներկայացրել է, որ ռազմական համալիրը բաղկացած է մեկ կենտրոնից, 8 վերանորոգման ձեռնարկությունից և 10 այլ հատվածից։ Այստեղ տեղակայված է ավելի քան 300 միավոր սարքավորում՝ տարբեր տեսակի տեխնիկայի վերանորոգման համար։
Ռազմական համալիրն իրականացնելու է տարբեր տեսակի տանկերի, զրահատեխնիկայի և փոխադրիչների, հրետանային կայանքների և համակարգերի, հակաօդային պաշտպանության համակարգերի, հրազենի, ինժեներական սարքավորումների, կապի սարքավորումների, օպտիկական սարքերի վերանորոգում և արդիականացում։ Նշվում է, որ զրահատեխնիկայի և մեքենաների պարկում կառուցվել են տեխնիկական հսկողության կետ, տեխնիկական և վերանորոգման կետերի շենքեր, 4 պահեստ՝ 284 տեղ ընդհանուր հզորությամբ տեխնիկայի, լիցքավորման, լվացման և ամենօրյա սպասարկման կայաններ։
Հիշեցնենք, որ Թուրքիայի նախագահ Ռեջեփ Թայիփ Էրդողանը նախօրեին մեկօրյա այցով գտնվում էր Նախիջևանում։
Էմմա Չոբանյան
