30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վրաստանի նախագահը կրկին գնացել է ԵՄ երկրներ` առանց կառավարության թույլտվության
Քաղաքականություն
25.09.2023 | 23:15
Վրաստանի նախագահ Սալոմե Զուրաբիշվիլին հերթական եվրոպական շրջագայության է մեկնել, որն իրականացնում է առանց Վրաստանի կառավարության հավանության, գրում է Նովոստի Գրուզիան։
«Այսօր Տալլինում բանակցություններ Էստոնիայի նախագահ Ալար Կարիսի հետ։ Հաջորդը՝ սեպտեմբերի 26՝ Ռիգա, հանդիպում Լատվիայի նախագահ Էդգարս Ռինկևիչի հետ, սեպտեմբերի 27՝ Վիլնյուս, բանակցություններ Լիտվայի նախագահ Գիտանաս Նաուսեդայի հետ»,- հայտնել է նա։
Իշխող «Վրացական երազանք» կուսակցությունը իմփիչմենթի գործընթաց է սկսել՝ հայտարարելով, որ նախագահը կոպտորեն խախտել է Սահմանադրությունը՝ առանց կառավարության համաձայնության արտասահմանյան երկրներ այցելելով:
Սալոմե Զուրաբիշվիլին հակադարձել է՝ ասելով, որ այցելություններ է կատարում իր անձնական ֆինանսական միջոցներով՝ լոբբինգ անելով քաղաքական գործիչների շրջանում Վրաստանին ԵՄ անդամության թեկնածուի կարգավիճակ տալու համար։
