16.12.2025 | 13:11
ԵՄ-ն ՀՀ-ին 20 մլն եվրո կտրամադրի. Հունգարիայի վետոն վերացվել է
Էրդողանը սպասում է, որ «Հայաստանն ընդունի մեկնած խաղաղության ձեռքը»
Քաղաքականություն
25.09.2023 | 20:21
Թուրքիայի նախագահ Ռեջեփ Թայիփ Էրդողանը Նախիջևանում Ադրբեջանի նախագահ Իլհամ Ալիևի հետ բանակցություններից հետո մամուլի ասուլիսում հայտարարել է, թե Ադրբեջանը «ստիպված էր գործողություն իրականացնել Արցախում»։
«Ադրբեջանը ստիպված է եղել հակաահաբեկչական գործողություն իրականացնել իր ինքնիշխան տարածքներում։ Գործողությունը հաջողությամբ իրականացվել է շատ կարճ ժամանակում՝ առանց խաղաղ բնակչությանը վնաս պատճառելու, ինչը մեր հպարտության պատճառն է»,- հայտարարել է Էրդողանը։
Նա նշել է, թե այս գործընթացները, իբր, նոր հնարավորություններ են բացում Հարավային Կովկասում իրավիճակի կարգավորման համար։
«Ես հավատում եմ, որ այդ հնարավորությունը կգնահատվի։ Մենք սպասում ենք, որ Հայաստանը կընդունի մեկնած խաղաղության ձեռքը և կձեռնարկի անկեղծ քայլեր։ Տարածաշրջանում խաղաղության և բարգավաճման հաստատումը մեր ժողովուրդների պարտքն է։ Մենք վճռական ենք և անկեղծ այս հարցում»,- հայտարարել է Թուրքիայի նախագահը։
Էմմա Չոբանյան
