30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Մեղադրանքներ կան, որ սա ցեղասպանություն է․ ռուս խաղաղապահները մնալու են․ Բաքվի իշխանամերձ շրջանակները՝ Արցախի հետ կապված ծրագրերի մասին
Քաղաքականություն
25.09.2023 | 14:13
Ադրբեջանի իշխանամերձ Միջազգային հարաբերությունների վերլուծության կենտրոնի ղեկավար Ֆարիդ Շաֆիևը «Ազատություն» ռադիոկայանի ադրբեջանական ծառայության հետ զրույցում խոսել է Արցախի հետ կապված Բաքվի իշխանությունների ծրագրերի մասին։
Նա, մասնավորապես, հայտարարել է, թե առայժմ Ստեփանակերտ ադրբեջանական ոստիկանություն ու զինվորներ մուտք չեն գործելու, որոշ կայաններ մշտադիտարկվելու են ռուս խաղաղապահների հետ համատեղ։
Շաֆիևը նաև հայտարարել է, որ մինչև 2025 թվականը ռուս խաղաղապահները մնալու են Արցախում։
«Սա մեր պարտավորությունն է: Ռուս խաղաղապահներն այնտեղ կլինեն մինչև 2025 թվականը։ Մեղադրանքներ կան, որ կարող է լինել ցեղասպանություն և այլն։ Սա ինչ-որ չափով երաշխիք է»,- ասել է Շաֆիևը։
Նա նաև նշել է, որ Ադրբեջանի կառավարությունը կհայտարարի Արցախի հայերի համար «սոցիալ-տնտեսական փաթեթի» մասին։ Միևնույն ժամանակ, ըստ նրա, կորոշվեն պայմանները, թե ովքեր կարող են Ադրբեջանի քաղաքացիություն ստանալ։
Էմմա Չոբանյան
