24.07.2026 | 21:00
Փաշինյանը սրբել-տանելու է բոլորին՝ կմնա միայն ինքը․ ուզում է 2031-ին ԱԺ մտնեն իր վերահսկած ուժերը․ Հակոբ Ասլանյան․ ՏԵՍԱՆՅՈՒԹ
Ադրբեջանցի զինվորականները Ստեփանակերտի ծայրամասերում են․ շրջաններից մարդիկ տարհանվում են․ Ստեփանակերտի բնակիչ
Քաղաքականություն
24.09.2023 | 17:03
Ադրբեջանցի զինվորականները Ստեփանակերտի ծայրամասերում են։ Այս պահին մյուս շրջաններից տարհանված արցախցիները փորձում են տեղավորվել Ստեփանակերտում, Factor TV-ի հետ զրույցում ասաց Արցախի բնակիչներից մեկը։
«Տարհանում են իրականացնում, բայց ոչ Ստեփանակերտի բնակիչներին։ Տարհանում են Մարտակերտի, Վանքի, Առաջաձորի բնակիչներին։ Մարդիկ մնում են դպրոցներում, կացարաններում, հիմա ոչ ոք դպրոց, աշխատանքի չի գնում, տրամադրում ենք տարածքներ այդ մարդկանց։ Կան մարդիկ, ովքեր մնացել են փողոցում ու գնալու տեղ չունեն։ Հայաստան են տանում միայն օդանավակայանում մնացող մարդկանց։ Ստեփանակերտցիների մասին ոչինչ չեն խոսում, ասում են՝ դուք տներ ունեք, դեռ մնացեք Ձեր տներում։ Սնունդը շատ քիչ է, եկած մարդասիրական օգնությունը բավարար չէ բոլորին, տրամադրել են անօթևաններին»,- նշեց մեր զրուցակիցը։
Նրա խոսքով՝ տարհանված մարդիկ սարսափելի բաներ են պատմում՝ սպանությունների դեպքերի մասին․
«Ներքին Հոռաթաղի, Դրմբոնի, Վանքի, Առաջաձորի, Մարտակերտի ու Ասկերանի մի քանի բնակիչներ պատմում են, որ զանգվածային սպանություններ են եղել։ Հիմնականում պատմեցին Ներքին Հոռաթաղի ու Դրմբոնի բնակիչները, նրանք շատ վատ վիճակում են, ոչինչ չունեն իրենց հետ բերած, նույնիսկ թղթաբանությունը։ Ասում են՝ վախից, դողալով մի կերպ հասել ենք։ Մեծամասամբ հագուստը մենք ենք հասցնում նրանց։ Սարսափելի բաներն են պատմում։ Դժվարությամբ են դուրս եկել՝ շատերը սպանվել են տեղում»,- նշում է նա։
Անժելա Պողոսյան
