08.10.2026 | 17:26
Sportico. Աշխարհի ամենաբարձր վարձատրությամբ ֆուտբոլիստները
Անդրանիկ Թևանյանը վկայի կարգավիճակով հարցաքննվել է և ազատ արձակվել
Հասարակություն
22.09.2023 | 13:55
Վաղ առավոտից մայրաքաղաքում մեկնարկած բողոքի ակցիաներից մեկի ընթացքում Բուզանդ փողոցից բերման է ենթարկվել «Մայր Հայաստան» դաշինքի քաղաքապետի թեկնածու, ԱԺ «Հայաստան» խմբակցության նախկին պատգամավոր Անդրանիկ Թևանյանը.
«Անդրանիկ Թևանյանը վկայի կարգավիճակով այս պահին հարցաքննվում է սեպտեմբերի 19-ին զանգվածային անկարգություններին առնչվող քրեական վարույթի շրջանակներում»,- Facto rTV-ի հետ զրույցում տեղեկացրեց Քննչական կոմիտեի մամուլի քարտուղար Գոռ Աբրահամյանը։ Ավելի վաղ ընդդիմադիր գործիչների շահերի պաշտպան Հովհաննես Խուդոյանը ֆեյսբուքյան իր էջում հայտնել էր, որ սահմանափակված է տեսակցությունը Թևանյանի հետ։
«Զրկված եմ նաև հնարավորությունից վերջինիս դեղորայք փոխանցել, թեև տեղեկացրել են դրա անհրաժեշտության մասին»,- գրել է փաստաբանը։ Ավելի ուշ Թևանյանն ազատ է արձակվել։
Հիշեցնենք՝ սեպտեմբերի 19-ի Ադրբեջանի կողմից սանձազերծեց հերթական պատերազմից հետո Երևանում մեկնարկեց ընդդիմության կողմից նախաձեռնված բողոքի ակցիաները։ Մի քանի օր է, հատկապես երեկոյան ժամերին բախումներ են տեղի ունենում ոստիկանների և քաղաքացիների միջև, նրանցից շատերը այդ միջադեպերի հետևանքով վնասվածքներ են ստացել։ Քննչական կոմիտեն անկարգություններ կատարելու, բռնության կոչեր հնչեցնելու և Սահմանադրական կարգի ենթադրյալ տապալման հոդվածների հատկանիշներով մոտ մեկ տասնյակ քրեական վարույթներ է նախաձեռնել։
Կառավարության շենքի դիմաց իր ելույթներից մեկի ընթացքում Թևանյանը հայտարարել էր 24/7 բողոքի ակցիաների մասին։
