27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Գեղամ Մանուկյանն ակցիայի ժամանակ քթի վնասվածք է ստացել
Քաղաքականություն
21.09.2023 | 20:21
Նախօրեին Կառավարության շենքի դիմաց տեղի ունեցած բախումների հետևանքով քթի վնասվածք է ստացել «Հայաստան» խմբակցության պատգամավոր Գեղամ Մանուկյանը։ Այս մասին ֆեյսբուքյան էջում տեղեկացրել է անձամբ Մանուկյանը։
«Բողոքի գործողությունների ժամանակ ոստիկաններից մեկը հետևից հարվածեց ինձ»,- պատմեց Մանուկյանը։
Քննչական կոմիտեի մամուլի քարտուղար Գոռ Աբրահամյանը Factor TV-ի հետ զրույցում տեղեկացրեց, որ միջադեպը քննվում է զանգվածային անկարգությունների մասով նախաձեռնված քրեական վարույթի շրջանակներում։
Նշենք, որ արդեն երկու օր է` մայրաքաղաքի տարբեր հատվածներում բողոքի ակցիաներ են իրականացվում։ Այսօր ցերեկը նրանք փակել էին Կենտրոն վարչական շրջանի մի շարք փողոցներ, ոստիկանությունը, սակայն, հեռացրեց պատնեշները։ Հանրապետության հրապարակում քիչ առաջ ավարտվեց ընդդիմության հանրահավաքը, որտեղ «Մայր Հայաստան» դաշինքի քաղաքապետի թեկնածու, «Հայաստան» խմբակցության նախկին պատգամավոր Անդրանիկ Թևանյանը հավաքի մասնակիցներին հորդորեց շարժվել և փակել Երևանի կենտրոնական փողոցները։ Նա կոչ արեց փողոցներն արգելափակել նաև վաղը առավոտյան ժամը 07:30-ից։
Ռոզա Վարդանյան
