08.09.2026 | 22:48
Զելենսկին հայտնել է սեպտեմբերի վերջին Թրամփի հետ հանդիպելու ծրագրերի ու Ուկրաինա-ԱՄՆ-ՌԴ հնարավոր բանակցությունների մասին
Պարալիզացրեք բոլոր փողոցները, կառավարության նիստ պետք է չանեն. Վազգեն Մանուկյան․ ՏԵՍԱՆՅՈՒԹ
Քաղաքականություն
21.09.2023 | 19:45
Խոսելու ժամանակը վերջացել է, պետք է սկսել գործողություն․ Հանրապետության հրապարակում հանրահավաքի ժամանակ այս մասին ասաց ՀՀ նախկին վարչապետ Վազգեն Մանուկյանը։
«Այսօր Արցախն արնաքամ է լինում, ոչ մի պաշտպան չունի»,-ընդգծեց քաղաքական գործիչը։
«Ցանկացած երկիր իր քաղաքացու՝ մի հոգու համար ինքնաթիռ է ուղարկում։ Արցախում երեխաներ են զոհվում, մայրեր, տղամարդիկ մինչև վերջ պայքարում են։ Մինչև հիմա դեռ որոշ տեղերում պայքարը գնում է։ Ո՞նց կարող է այսպիսի իշխանություն լինի Հայաստանում։
Այս իշխանությունը գոյություն չունի, դու՛ք եք իշխանությունը»,- դիմելով հանրահավաքի մասնակիցներին՝ ասաց Վազգեն Մանուկյանը։
Մանուկյանը հավլեց, որ Երևանում վաղվանից սկսվելու են զանգվածային ակցիաներ, որոնք պետք է հասնեն սպասված հանգրվանին, իսկ ՀՀ իշխանությունը սխալվում է՝ կարծելով, թե մի քանի օր անց հանրահավաքները կավարտվեն։
«Ո՛չ։ Այն ցեղասպանությունը, որը ՀՀ գործող իշխանության պատճառով և մեղքով տեղի է ունենում Արցախում, մտնելու է Հայաստան։ Մեք սկսում ենք զանգվածայյին անհնազանդության ակցիաները։ Դրանց պետք է միանա ոչ միայն Երևանի բնակչությունը, շրջաններից էլ պետք է գան Երևան՝ մասնակցելու»,- ասաց Վազգեն Մանուկյանը։
Նրա խոսքով՝ համաժողովրդական շարժումը համակարգելու համար սկսել են ազգային կոմիտեի ձևավորման գործընթացը։ Այն պետք է 11 հոգուց կազմված լինի, այս պահին դեռ 5 հոգու կազմն է հայտնի` Հայկ Մամիջանյան, Ավետիք Չալաբյան, Անդրանիկ Թևանյան, Իշխան Սաղաթելյան։
Մանուկյանը կոչ արեց վաղը շրջապատել Կառավարության շենքը և թույլ չտալ նիստ անելու և կոչ արեց․ «Գնացե՛ք փակեք բոլոր փողոցները, պարալիզացրե՛ք քաղաքը»։
Մանրամասները՝ տեսանյութում։
