24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
ԵՄ-ում քննարկել են Արցախում Ադրբեջանի անընդունելի քայլերին պատասխանելու տարբերակ․ անվտանգության ապահովման համար անհրաժեշտ է միջազգային հանրության դերը
Քաղաքականություն
21.09.2023 | 14:33
Եվրամիությունում քննարկել են «պատասխանելու տարբերակներ» այն անընդունելի միջոցներին, որոնք կիրառում է Ադրբեջանը Լեռնային Ղարաբաղի հետ կապված։ Այս մասին հայտարարել է Եվրոպական խորհրդի ղեկավար Շառլ Միշելը Ադրբեջանի նախագահ Իլհամ Ալիևի հետ զրույցում, Բրյուսելում լրագրողներին հայտնել է եվրոպական բարձրաստիճան աղբյուրը, գրում է ՌԻԱ Նովոստին։
Միշելի հեռախոսազրույցն Ալիևի հետ տեղի է ունեցել նախօրեին, սակայն Եվրոպական խորհրդի ղեկավարի մամուլի ծառայությունը զրույցի մանրամասներ չի հայտնել։
«Նախագահ Միշելը խորը հիասթափություն է հայտնել ստեղծված իրավիճակի կապակցությամբ, իրավիճակը շատ բարդ է, բացասական արձագանք կա միջազգային մակարդակով, այդ թվում՝ ԵՄ-ում, որտեղ առավոտյան (սեպտեմբերի 20-ին) քննարկումներ են եղել արձագանքման տարբեր տարբերակների շուրջ։ Բաքվի կողմից օգտագործվող միջոցներն ուղղակի անընդունելի են»,- ասել է աղբյուրը։
Եվրոպական խորհրդի ղեկավարը նաև մատնանշել է միջազգային հանրության մասնակցության կարևորությունը Ղարաբաղի էթնիկ հայերի անվտանգության ապահովման գործում։
«Նախագահ Միշելը նաև նշել է հումանիտար իրավիճակի վրա կենտրոնանալու կարևորությունը: Ադրբեջանը պետք է ապահովի էթնիկ հայերի հանդեպ հարգանքն ու նրանց ապագան: Անվտանգության ապահովման համար անհրաժեշտ է միջազգային հանրության դերը», – ասել է եվրոպացի աղբյուրը:
Նրա խոսքով՝ ԵՄ խորհրդի ղեկավարը նաև կոչ է արել Ալիևին անձնական դեր խաղալ՝ հաստատելով «լիարժեք հարգանք քաղաքացիների, ինչպես նաև միջազգային իրավունքի նկատմամբ»։
