04.04.2026 | 17:58
ԱՄՆ կառավարության փոխանակման ծրագրերի շրջանավարտների համար նոր հնարավորություն․ մեկնարկել է 2026-ի դրամաշնորհային ծրագիրը
Նյու Յորքում առաջին անգամ տեղի է ունեցել Էրդողանի ու Նեթանյահուի հանդիպումը
Քաղաքականություն
20.09.2023 | 14:50
Թուրքիայի նախագահ Թայիփ Էրդողանը և Իսրայելի վարչապետ Բենիամին Նեթանյահուն Նյու Յորքում առաջին անգամ հանդիպել են Գլխավոր Ասամբլեայի շրջանակներում՝ այն ֆոնին, երբ երկու երկրներ կամաց-կամաց բարելավում են հարաբերությունները, գրում է Gercek news-ը։
Համաձայն Նեթանյահուի գրասենյակի տարածած հայտարարության՝ երկու առաջնորդները պայմանավորվել են մոտ ապագայում այցելել միմյանց երկրներ:
Թուրքիայի և Իսրայելի հարաբերությունները խզվել էին 2010 թվականին տեղի ունեցած միջադեպից հետո, երբ Իսրայելի ուժերը սպանեցին տասը թուրք քաղաքացիների՝ պաղեստինամետ ակտիվիստների նավի վրա հարձակման ժամանակ։ 2022թ-ից երկրների հարաբերությունները բարելավվում են, նշանակվել են նաև դեսպաններ։
Նշվում է, որ Էրդողանը և Նեթանյահուն քննարկել են մի շարք թեմաներ՝ քաղաքական, տնտեսական և տարածաշրջանային խնդիրներ։ Նրանք հատկապես կենտրոնացել են իսրայելա-պաղեստինյան խնդրի վրա։ Էրդողանը նաև ընդգծել է համագործակցության հնարավոր ուղիները այնպիսի ոլորտներում, ինչպիսիք են էներգետիկան, տեխնոլոգիաները, նորարարությունը, արհեստական ինտելեկտը և կիբերանվտանգությունը:
