09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
«Patriot» ՀՕՊ համակարգերը Թուրքիայի համար այլընտրանք չեն «S-400»-ներին
Քաղաքականություն
18.07.2018 | 14:30
Թուրքիան ամերիկյան զենիթահրթիռային «Patriot» ՀՕՊ համակարգերը չի դիտարկում որպես այլըտրանք ռուսական զենիթահրթիռային «S-400» ՀՕՊ համակարգերին. տեղեկացնում է ermenihaber-ը:
Այդ մասին հայտարարել է Թուրքիայի իշխող «Արդարություն և զարգացում» կուսակցության (ԱԶԿ-AKP) Ստամբուլի պատգամավոր Բերաթ Չոքարը։
Օրերս լուրեր շրջանառվեցին, թե Թուրքիան ԱՄՆ-ի հետ բանակցություններ է սկսել «Patriot»-ների գնման շուրջ։
Ինչպես գիտենք, Թուրքիան Ռուսաստանի հետ արդեն պայմանագիր է ստորագրել «S-400»-ների մատակարարման վերաբերյալ։ Եվ այս առումով հարց է առաջացել, թե արդյոք սա նշանակում է, որ Թուրքիան հրաժարվում է ռուսական ՀՕՊ համակարգերից։
«Եթե պայմանները բարենպաստ լինեն, ապա Թուրքիան բացի S-400-ներից կարող է մտածել նաև Patriot-ների մասին։ Վերջինս լիովին ուրիշ նախագիծ է։ Մենք դա բացահայտ ասացինք։ Մենք Patriot-ներն այլընտրանք չենք դիտարկում S-400-ներին»,-ասել է պատգամավորը։
