18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Ժիրայր Սեֆիլյանի և մյուսների գործով» անազատության մեջ մնացած միակ դատապարտյալն անժամկետ հացադուլ է հայտարարել
Հասարակություն
18.07.2018 | 12:20
2016 թվականից «Ժիրայր Սեֆիլյանի և մյուսների գործով» անազատության մեջ հայտնված Արթուր Մովսիսյանը, որը դատապարտվել էր 3 տարվա ազատազրկման հայտարարել է անժամկետ հացադուլ․ «Ես՝ քաղբանտարկյալ Արթուր Մովսիսյանս, հայտարարում եմ անժամկետ հացադուլ, որով ուզում եմ վարչապետի, նոր կառավարության, ԲԴԽ-ի և հանրության ուշադրությունը հրավիրել երկրի իշխանության ճյուղերից մեկի՝ դատական համակարգի և մասնավորապես վճռաբեկ դատարանի քրեական պալատի քմահաճ վերաբերմունքին իրենց աշխատանքին և իրենց մոտ մուտք եղած գործերին»,- փաստաբան Արայիկ Պապիկյանի փոխանցմամբ հայտարարել է Մովսիսյանը։
Արթուր Մովսիսյանը, ըստ փաստաբանի, ունի առողջական մի շարք խնդիրներ։ Նշենք, որ Մովսիսյանը ձերբակալվել է Մոսկվայում, իրեն առաջադրված մեղադրանքները չի ընդունում։
Հիշեցնենք, որ այս գործով մյուս դատապարտյալներն ազատության մեջ են, մինչդեռ գործի անջատված մասով անցնող Արթուր Մովսիսյանը՝ ոչ։
Լիլիթ Շաբոյան
