Հասարակություն
15.09.2023 | 14:15
Գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը
համակարգող տեղակալ Սրբուհի Գալյանը սեպտեմբերի 14-ին ընդունել է Արժույթի միջազգային հիմնադրամի
հակակոռուպցիոն հարցերով փորձագետ Ալիս Ֆրենչին․ տեղեկացնումմ են ՀՀ գլխավոր դատախազությունից։
Հանդիպման ընթացքում անդրադարձ է կատարվել Գլխավոր դատախազության՝ հակակոռուպցիոն ոլորտում
իրականացվող գործառույթներին, լիազորությունների շրջանակին, միջազգային իրավապահ կառույցների հետ
փոխգործակցությանը, կոռուպցիոն գործերի քննության մարտահրավերներին, ինչպես նաև հակակառուպցիոն
ոլորտում արձանագրված հաջողության պատմություններին:
Այս համատեքստում, ի թիվս այլնի՝ ՀՀ գլխավոր դատախազի տեղակալն առանձնացրել է ապօրինի ծագում
ունեցող գույքի բռնագանձման ոլորտում արձանագրված հաշտության երեք համաձայնությունները, որոնց
արդյունքում Հայաստանի Հանրապետությանն է վերադարձվել շուրջ 5 մլն դոլար արժողության գույք:
Հանդիպման ընթացքում Արժույթի միջազգային հիմնադրամի հետ փոխգործակցությունը խորացնելու
պայմանավորվածություն է ձեռք բերվել:
