25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ՀՀ տարածքից ադրբեջանական զորքերի դուրսբերումը կարող է ամրապնդել վստահությունը. Մարուքյան
Քաղաքականություն
15.09.2023 | 13:42
Ադրբեջանի զինված ուժերի դուրսբերումը Հայաստանի տարածքից կարող է շոշափելի քայլ լինել վստահության ամրապնդման ուղղությամբ։ Այս մասին X սոցիալական ցանցում գրել է ՀՀ դեսպան Էդմոն Մարուքյանը։
Նա հիշեցրել է, որ մեկ տարի առաջ Ադրբեջանը ռազմական ագրեսիա իրականացրեց Հայաստանի Հանրապետության ինքնիշխան տարածքի դեմ, որի արդյունքում հայկական կողմից 200-ից ավելի զոհ և բազմաթիվ վիրավորներ կան։
«Երկու օր առաջ, գնահատելով խաղաղ գործընթացի արդյունքները, ես խոսեցի վստահության ամրապնդման քայլերի մասին, Հայաստանի օկուպացված տարածքներից ադրբեջանական զորքերի դուրսբերումը կարող է լուրջ քայլ լինել կողմերի միջև վստահության ամրապնդման ուղղությամբ։ Ադրբեջանի զինված ուժերը պետք է լքեն Հայաստանի Հանրապետության ինքնիշխան տարածքը, բոլոր ռազմագերիները և այլ կալանավորված անձինք պետք է ազատ արձակվեն Ադրբեջանի բանտերից»,- գրել է Մարուքյանը։
