08.10.2026 | 17:18
Մուրադովն անհետ կորածների ցուցակ ուներ, օգտագործե՛ք ՌԴ-ի ձեր լծակները․ զոհվածի մայր․ ՏԵՍԱՆՅՈՒԹ
Աղբամանները շպրտած աշխատակիցները ենթարկվել են կարգապահական պատասխանատվության
14.09.2023 | 16:56
Վերջերս համացանցում մի տեսանյութ էր տարածվել, որում երևում էր, թե ինչպես են Երևանի քաղաքապետարանի ենթակայությամբ գործող «Երևանի աղբահանություն և սանիտարական մաքրում» հիմնարկի աշխատակիցները աղբամանները շպրտում աղբատարի վրայից։ Factor.am-ը գրավոր հարցմամբ դիմել էր Երևանի քաղաքապետարան՝ պարզելու արդյո՞ք տվյալ աշխատակիցները պատասխանատվության ենթարկվել են։
«Համացանցում տեղ գտած կադրերը նկարահանվել են Արաբկիր վարչական շրջանի Կոմիտասի պողոտայում: Տեղադրված աղբամաններից «Երևանի աղբահանություն և սանիտարական մաքրում» համայնքային հիմնարկի աշխատակիցների կողմից իրականացվել են սահմանված կարգին հակասող, աղբահանության անփույթ աշխատանքներ: Հիմնարկի աղբահանության բաժնի տվյալ բանվորները ենթարկվել են կարգապահական պատասխանատվության՝ աշխատանքային պարտականությունները ոչ պատշաճ կատարելու և հանձնարարված աշխատանքի կատարման ընթացքում գույքին խնամքով չվերաբերվելու համար»,- հայտնել են քաղաքապետարանից։
Գրավոր հարցմամբ խնդրել էինք նաև ասել, թե 2023 թվականի ընթացքում քանի՞ աղբատար և աղբաման է ձեռք բերվել։
«2023 թվականին ԵԱՍՄ համայնքային հիմնարկը ձեռք է բերել «MAZ 5904C2-012» մակնիշի չորս ավտոմեքնա»,- ասվում է գրավոր պատասխանում՝ չխոսելով ձեռքբերված աղբամանների մասին։
Մենք նաև հարցրել էինք՝ արդյո՞ք ձեռքբերված աղբամանները չափերով համապատասպանում են աղբատարներին․ քաղաքապետարանից նշել են, որ մայրաքաղաքի աղբամաններն իրենց չափերով համապատասխանում են աղբատար մեքենաներին:
Արփի Հակոբյան
