08.10.2026 | 17:26
Sportico. Աշխարհի ամենաբարձր վարձատրությամբ ֆուտբոլիստները
Սաակաշվիլիին մեղադրել են «նոր հանցագործության» համար
Քաղաքականություն
14.09.2023 | 16:06
Վրաստանի նախկին նախագահ Միխեիլ Սաակաշվիլին պետական բյուջեն ծախսել է մասնավոր ուղևորությունների վրա։ Նախկին նախագահին հանցագործության մեջ մեղադրել է «Վրացական երազանք» կուսակցության գործադիր քարտուղար Մամուկա Մդինարաձեն, հայտնում է Sputnik Գրուզիան։
«Բոլորն էլ համաձայն են, որ հանցագործություն է, երբ առաջին դեմքը չարտերով է թռչում: Փաստացի հաստատվել է նոր խոշոր քրեական փաստ։ Ես կարծում եմ, որ դա պետք է հիմք հանդիսանա հետաքննություն սկսելու համար»,- ասել է նա։
Georgian Airways-ի նախկին ղեկավար Թամազ Գաիաշվիլին հայտնել է, որ Վրաստանի Պաշտպանության նախարարության և ավիաընկերության միջև կնքվել են գաղտնի պայմանագրեր, որոնց համաձայն՝ Սաակաշվիլին տարեկան մինչև 100 ուղևորություն է կատարել՝ վճարելով պետական բյուջեից։
Ավելի վաղ Վրաստանի վարչապետ Իրակլի Ղարիբաշվիլին հայտարարել էր, որ Սաակաշվիլիի կառավարությունը պատասխանատու է 2008 թվականին Հարավային Օսիայի պատերազմից չխուսափելու համար։
«Նախկին իշխանությունները ոչինչ չարեցին, որպեսզի մեր երկիրը խուսափի այդ պատերազմից»,- ասել է նա։
