20.06.2026 | 16:53
Արևահարություն, այրվածքներ, մաշկի քաղցկեղ․ ուլտրամանուշակագույն ճառագայթների վտանգները
Թեհրանն օգտագործում է իր հարևանության քաղաքականությունը՝ ՀՀ-ի և Ադրբեջանի միջև լարվածությունը կարգավորելու համար․ իրանցի նախարարը՝ Ադրբեջանի փոխվարչապետին
Քաղաքականություն
13.09.2023 | 18:00
Ադրբեջանի փոխվարչապետ Շահին Մուստաֆաևն ու Իրանի ճանապարհների և քաղաքաշինության նախարար Մեհրդադ Բազարփաշը հեռախոսազրույցում քննարկել են երկու երկրների համատեղ նախագծերը, Աստարայում Իրան-Ադրբեջան համատեղ հանձնաժողովում բարձրացված հարցեր, գրում է Mehr գործակալությունը։
Բազարփաշն իր խոսքում ընդգծել է Ադրբեջանի և տարածաշրջանի երկրների տարածքային ամբողջականության նկատմամբ հարգանքը։ Նա նաև հայտարարել է, որ Թեհրանը դեմ է տարածաշրջանի երկրներում արտաքին միջամտությանը։
«Մենք կարծում ենք, որ տարածաշրջանի խնդիրները պետք է լուծեն հարևանները, և օտարերկրացիների ռազմական ներկայությունը սպառնալիք է տարածաշրջանի համար»,- նշել է նա։
Իրանցի պաշտոնյան ասել է, որ Իրանն օգտագործում է իր հարևանության քաղաքականությունը՝ Ադրբեջանի և Հայաստանի միջև լարվածությունը կարգավորելու համար։
Մուստաֆաևն էլ ասել է, որ երկկողմ հանդիպումներից հետո բարելավվել են Իրան-Ադրբեջան հարաբերությունները, բարգավաճում են նաև տնտեսական հարաբերությունները։ Նա հույս է հայտնել, որ երկու երկրների միջև առկա որոշ քաղաքական թյուրիմացությունները հնարավորինս արագ կհարթվեն։
Էմմա Չոբանյան
