Փաշինյանն ու Ավինյանը հակասում են միմյանց․ որտեղ էր Տիգրան Ավինյանը 2021 թվականին․ ՏԵՍԱՆՅՈՒԹ

Լուրեր

20.11.2026 | 10:00
ԱԺ-ն շարունակում է քննարկել 2027 թվականի բյուջեի նախագիծը. ՈՒՂԻՂ
20.11.2026 | 09:55
«Կամավորների կոալիցիան» խոստացել է շարունակել աջակցությունն Ուկրաինային ու ձմռանը էներգետիկ հրադադարի կոչ արել
20.11.2026 | 09:46
Երևանում հրդեհ է բռնկվել խմորեղենի արտադրամասում․ դեպքի վայր է մեկնել հրշեջների 4 մարտական հաշվարկ
20.11.2026 | 09:30
Ամփոփիչ մրցաշար. Առաջին ռակետը 100 տոկոսանոց արդյունքով է դուրս եկել կիսաեզրափակիչ. ՏԵՍԱՆՅՈՒԹ
19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
Բոլորը

Նիկոլ Փաշինյանն ու Տիգրան Ավինյանը հակասում են միմյանց․ խոսքը վերաբերում է նրանց մեկնաբանություններին, թե ինչու Ավինյանը 44-օրյա պատերազմին հաջորդած արտահերթ խորհրդարանական ընտրությունների ժամանակ ներառված չէր ընտրական ցուցակում։  Նիկոլ Փաշինյանը երեկ երեկոյան Հանրայինին տված հարցազրույցում հայտարարել էր, թե Ավինյանը 2021 թվականի այդ օրերին հետևում էր, որ, ինչպես ՔՊ-ականները կասեին, հակահեղափոխականները հեղաշրջում չիրականացնեն։

Տիգրան Ավինյանը, սակայն, ընտրություններից հետո՝ 2021 թվականի օգոստոսի 2-ին Ֆեյսբուքում գրառում էր կատարել և նախընտրական գործընթացներից իր հեռու մնալը հիմնավորել ոչ հեղաշրջումների դեմ պայքարով, այլ նրանով, որ իր որոշումը պայմանավորված է նախընտրական ցուցակի հետ կապված որոշ տարաձայնություններով:

Երեկ, մինչ Նիկոլ Փաշինյանի հարցազրույցը, Տիգրան Ավինյանը Factor TV-ին տված հարցազրույցում վերահաստատել է իր դիրքորշումը, որ թիմում տարաձայնություններ են եղել, որոնց շուրջ երկու տարի առաջ քննարկումներ են անցկացրել։

Այսօր Տիգրան Ավինյանը նախընտրական քարոզչություն էր իրականացնում Արաբկիր վարչական շրջանում։ Factor TV-ն իշխող ուժի քաղաքապետի թեկնածուից հետաքրքրվեց, թե 2021 թվականի իր գրառումն ու Փաշինյանի պարզաբանումներն ինչո՞ւ են միմյանց հակասում։ Տիգրան Ավինյանը, սակայն, տարակուսելի պատասխան տվեց․ Հայաստանը ժողովրդավարության բաստիոն, իսկ մամուլն ավելի ազատ, քան երբևէ հռչակած Փաշինյանի թիմակիցը հարցերի պատասխանելու համար պայման առաջ քաշեց․ «Լայվ չունե՞ք։ Եկեք պայմանավորվենք, որ դուք մեկ ժամ լուսաբանում եք մեր քարոզարշավը, իսկ ես մեկ ժամից պատասխանում եմ ձեր հարցերին»։

Հիշեցնենք՝ 2021 թվականի ծանր շրջանում, բացի այն, որ ՔՊ-ի նախընտրական ցուցակից Ավինյանն էր բացակայում, նրա թիմակիցների մասնակցությամբ այլ ուշագրավ զարգացումներ ևս եղան։

«Վարագն իմ ընկերն է, գործընկերն է, իրար ճանաչում ենք արդեն ութ տարի»,- ասել էր Ավինյանը։

Վարագ Սիսեռյանը հեղափոխությունից հետո զբաղեցնում էր փոխվարչապետ ընկերոջ՝ Տիգրան Ավինյանի գրասենյակի ղեկավարի պաշտոնը։ Բարձրաստիճան պաշտոնյայի ընկերը, սակայն, 2020 թվականի նոյեմբերի 16-ին հայտարարեց, որ Նիկոլ Փաշինյանի հայտարարությունների պատճառով լքում է զբաղեցրած պաշտոնն ու «Քաղաքացիական պայմանագիր» կուսակցությունը։

Հիշեցնենք՝ Նիկոլ Փաշինյանը Վարագ Սիսեռյանի հայտարարությունից շուրջ մեկ ժամ առաջ Ֆեյսբուքում գրել էր, որ Երևանում սպասում է արցախյան առաջնագծի զինվորներին, որ, իր խոսքով, «վերջնականորեն լուծի պատերի տակ վնգստացողների հարցերը»։

Այսօր Ավինյանից փորձեցինք հետաքրքրվել, թե այժմ որտե՞ղ է իր ընկերը։

«-Վարագ Սիսեռյանը որտե՞ղ է, պարոն Ավինյան։

-Ես ձեզ տրամաբանական լուծում եմ առաջարկում»։

Factor TV-ն պարզաբանումներ ստանալու համար փորձեց կապ հաստատել նաև Ավինյանի ընկերոջ հետ, սակայն նա մեր հեռախոսազանգերն անպատասխան թողեց։

Մանրամասները՝ տեսանյութում։

Նարեկ Կիրակոսյան