15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
Շառլ Ազնավուրի արձանի տեղադիրքը կփոխվի, կհայտարարվի նոր մրցույթ․ ավագանին որոշում ընդունեց․ ՏԵՍԱՆՅՈՒԹ
Մշակույթ
12.09.2023 | 12:41
2023 թվականի մարտի 15-ին Երևան քաղաքի ավագանու նիստում համաձայնություն էր տրվել Հայաստանի ազգային հերոս, երգիչ, երգահան, հասարակական գործիչ Շառլ Ազնավուրի հիշատակը հավերժացնող հուշարձանը Երևան քաղաքի Ֆրանսիայի հրապարակում տեղադրելու համար: Հայտարարվել էր մրցույթ։
Երևան քաղաքի Ֆրանսիայի հրապարակում՝ Հայաստանի ազգային հերոս, երգիչ, երգահան Շառլ Ազնավուրի 100-ամյակին ընդառաջ նրա հիշատակը հավերժացնող հուշարձանի համար մրցույթին ներկայացված 37 հայտերից որևէ մեկը հավանության չի արժանացել հանձնաժողովի կողմից։ Այս մասին այսօր՝ սեպտեմբերի 12-ին, Երևանի ավագանու նիստի ժամանակ ասաց քաղաքապետարանի աշխատակազմի մշակույթի և տուրիզմի վարչության պետ Գոշ Սարգսյանը՝ հիշեցնելով, որ մրցույթի արդյունքներն ամփոփվել են օգոստոսի 31-ին։
Նա նշեց, որ հանձնաժողովը որոշել է նոր մրցույթ իրականացնել, սակայն այս անգամ դիտարկել Շառլ Ազնավուրի արձանը հենց Շառլ Ազնավուրի անվան հրապարակում տեղադրելու հնարավորությունը։
Ավագանին հավանություն տվեց նախագծի փոփոխությանը։
Մանրամասները՝ տեսանյութում։
