03.10.2026 | 14:09
Արծվանիկի պոչամբարի պատվարը կբարձրացվի նոր մեթոդով
Զինված ուժերում մոլախաղերով զբաղվելու լուրջ խնդիր ունենք․ Արմեն Խաչատրյան․ ՏԵՍԱՆՅՈՒԹ
Հասարակություն
11.09.2023 | 18:26
ԱԺ-ում քննարկվում է «Շահումով խաղերի, ինտերնետ շահումով խաղերի եւ խաղատների մասին» օրենքում լրացում կատարելու մասին և «Վիճակախաղերի մասին» օրենքում լրացում կատարելու մասին նախագծերի փաթեթը։ Նախագծի էությունը հետևյալն է՝ քաղաքացին իր խաղային հաշիվը պետք է լիցքավորի միայն իրեն պատկանող բանկային կամ քարտային հաշվից։
«Գաղտնիք չէ, որ թմրամիջոցների ապօրինի շրջանառությունից, թմրամոլությունից հետո մեր խնդիրը նաև մոլախաղերն են, և բազմաթիվ ընտանիքներ այսօր տառապում են դրանցով տարվելու հետևանքով»,- ԱԺ նիստում հայտարարեց ՔՊ խմբակցության պատգամավոր Արմեն Խաչատրյանը:
Նրա դիտարկմամբ՝ ներկայացվող նախագիծը հնարավորություն է տալու վերահսկել այս ոլորտը նաև զինված ուժերում։
«Զինված ուժերում մենք լուրջ խնդիր ունենք մոլախաղերով զբաղվելու հանգամանքի հետ կապված: Նախագծի ուժի մեջ մտնելուց հետո ես կարծում եմ, որ մեր կառավարության մարմինները արդեն ենթաօրենսդրական ակտերով կկարգավորեն այս խնդիրը: Ովքեր ծառայության ընթացքում կզբաղվեն շահումով խաղերով, ապա դա կդիտարկվի որպես ծառայողական կանոնների խախտում և կառաջացնի որոշակի հետևանքներ»,- նշեց պատգամավորը՝ հավելելով, որ զինված ուժերում խաղամոլությունը պետք է դիտարկվի որպես կարգապահական խախտում:
Մանրամասները՝ տեսանյութում։
