15.09.2026 | 20:13
ԵԼ. Հայտնի են «Արարատ-Արմենիա» – «Սպարտա Պրահա» հանդիպման մրցավարները
Միշուստինը կոչ է արել զերծ մնալ առաջիկա 3 տարիների համար ՌԴ տնտեսության վերաբերյալ «չափազանց լավատեսական» կանխատեսումներից
Քաղաքականություն
08.09.2023 | 22:33
ՌԴ կառավարության ղեկավար Միխայիլ Միշուստինը դաշնային բյուջեի նախագծի շուրջ խորհրդակցությունների ժամանակ նախազգուշացրել է՝ զերծ մնալ առաջիկա 3 տարիների տարիների համար երկրի տնտեսության վերաբերյալ «չափազանց լավատեսական» կանխատեսումներից։ Նա ընդգծել է, որ ՌԴ տնտեսության համար ռիսկերը չեն անհետացել, գրում է The Moscow Times-ը։
«Այստեղ կարևոր է խուսափել չափազանց լավատեսական կանխատեսումներից՝ հիմնական բնութագրերը ձևավորելիս և ծախսային պարտավորություններ ընդունելիս»,- խորհուրդ է տվել Միշուստինը։
Կառավարության ղեկավարն ընդգծել է պրագմատիկ մոտեցման կարևորությունը։
«Առաջ շարժվելով՝ բյուջետային գործընթացի շրջանակում մենք պետք է հաշվի առնենք համաշխարհային տնտեսության նախկինում կուտակված բոլոր անհավասարակշռությունները և մարտահրավերները։ Դրանք կարող են ազդեցություն ունենալ մեր պետական ֆինանսների վրա»,- հավելել է նա:
Վարչապետի խոսքով՝ կառավարության և Ռուսաստանի բանկի համատեղ աշխատանքը հնարավորություն է տվել մեղմել պատժամիջոցների հետևանքները և հարմարեցնել ռուսական բիզնեսը արտաքին մարտահրավերներին։ Դա արտահայտվում է արդյունաբերական արտադրության և ներդրումների աճով, կարծում է ՌԴ վարչապետը։
