17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
ԵՄ դատարանը մերժել է պատժամիջոցների դեմ բողոքող ռուսաստանցի գործարարների հայցերը
Քաղաքականություն
06.09.2023 | 23:04
Լյուքսեմբուրգի դատարանը մերժել է ԵՄ պատժամիջոցները վիճարկող ռուսաստանցի չորս ձեռնարկատերերի հայցերը, որոնք սահմանվել էին Ուկրաինայում ՌԴ ռազմական գործողության պատճառով, հայտնում է Կոմերսանտը։
Միաժամանակ, Դատարանը հայցվորներին պարտավորեցրել է վճարել դատական ծախսերը։
Դատարանը մերժել է Խողովակների մետալուրգիական ընկերության նախկին սեփականատեր Դմիտրի Պումպյանսկիի, նրա կնոջ՝ Գալինա Պումպյանսկայայի և նրանց որդու՝ Ալեքսանդր Պումպյանսկիի, ՆՈՎԱՏԷԿ-ի և ՍԻԲՈՒՐ-ի համասեփականատեր Գենադի Տիմչենկոյի և նրա կնոջ՝ Ելենա Տիմչենկոյի, Yandex-ի նախկին գործադիր տնօրեն Տիգրան Խուդավերդյանի և «Սաֆմար» խմբի սեփականատեր Միխայիլ Գուցերիևի հայցերը։
Բրյուսելը պատժամիջոցների նախորդ՝ 11-րդ փաթեթը ներկայացրել է հունիսին, սահմանափակումները վերաբերել են գրեթե 1800 անձի և կազմակերպությունների։
2022 թվականին էլ ավելի քան 60 ձեռնարկատերեր և մեկական ընկերություն Ռուսաստանից և Բելառուսից հայցեր են ներկայացրել Արդարադատության եվրոպական դատարան՝ վիճարկելու պատժամիջոցների ցանկում ընդգրկումը։
