17.12.2025 | 11:10
FIFA The Best. Ում օգտին են քվեարկել Էդուարդ Սպերցյանը և Եղիշե Մելիքյանը
Ռուսաստանը Կուրիլյան կղզիներից հեռացրել է ՀՕՊ համակարգերը
Քաղաքականություն
01.09.2023 | 23:17
Ռուս զինվորականները Կուրիլյան կղզիներից տեղափոխել են հակաօդային պաշտպանության С-300 զենիթահրթիռային համակարգերը։ Այս մասին հայտնում է ճապոնական Mainichi Shimbun լրատվամիջոցը, փոխանցում է Meduza-ն։
Լրատվամիջոցը վկայակոչում է Տոկիոյի համալսարանից Յու Կոիձումիին, որը վերլուծել է Իտուրուպ և Կունաշիր կղզիների արբանյակային պատկերները՝ արված Maxar Technologies-ի կողմից։ Վերջին լուսանկարներում չկան հակաօդային պաշտպանության համակարգեր, որոնք տեղակայված են Իտուրուպի Կասատկա ծովածոցի և Կունաշիրի Հարավային Կուրիլսկի մոտակայքում:
Ենթադրվում է, որ համակարգերը կարող էին տեղակայվել Ուկրաինայի հետ սահմաններում՝ պատերազմում օգտագործելու համար։ Կոիձումին նաև նշել է, որ ռուս զինվորականները, հավանաբար, վերանորոգելու և ռազմաճակատ են ուղարկելու հին տանկերն ու հաուբիցները, որոնք պահվել են Սախալինի բազայում։
Նա նաև ընդգծել է, որ ռուսական բանակը ստիպված է օգտագործել իր տրամադրության տակ եղած բոլոր զենքերը։
Էմմա Չոբանյան
