24.02.2026 | 16:43
ՀԷՑ-ում ավարտվել են բարձրավոլտ ենթակայանների ստուգայցերը․ արձանագրվել են համակարգային խնդիրներ
Վրաստանի իշխող կուսակցությունը երկրի նախագահի իմփիչմենթի ընթացակարգ է սկսել՝ Եվրոպա մեկնելու պատճառով
Քաղաքականություն
01.09.2023 | 14:11
Վրաստանի իշխող «Վրացական երազանք-Ժողովրդավարական Վրաստան» կուսակցությունը երկրի նախագահ Սալոմե Զուրաբիշվիլիի դեմ իմփիչմենթի գործընթաց է սկսում՝ նրա՝ Եվրոպա մեկնելու պատճառով, չնայած կառավարության համաձայնության բացակայությանը։ Այս մասին ճեպազրույցում հայտարարել է կուսակցության նախագահ Իրակլի Կոբախիձեն, գրում է Գրուզիա օնլայնը։
Իրակլի Կոբախիձեի կարծիքով՝ Վրաստանի նախագահը խախտում է Սահմանադրությունը՝ այցելելով այլ երկիր՝ առանց կառավարության համաձայնության, ինչը չի կարող անարձագանք մնալ։
«Իմփիչմենթի գործընթացն ավարտին հասցնելու համար անհրաժեշտ է 100 պատգամավորի աջակցություն, և առանց արմատական ընդդիմության ձայների այն հեռանկար չունի: Սակայն, չնայած դրան, կուսակցության քաղխորհրդի նիստում մենք որոշեցինք նախագահի դեմ իմփիչմենթի ընթացակարգ սկսել»,- ասել է Կոբախիձեն։
