24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
ԱՄԷ-ից ընկերությունը ձեռք է բերել թուրքական նավահանգստի բաժնետոմսերի 58 տոկոսը
Քաղաքականություն
31.08.2023 | 23:30
Dubai World Ports-ը հայտարարել է Թուրքիայի Էվյափ նավահանգստի 58 տոկոս բաժնետոմսերի ձեռքբերման մասին, որը գտնվում է արևմտյան Քոջաելի նահանգում։ Այս մասին հայտնում է Al Bawaba լրատվականը, որին վկայակոչում է Turkish Minute-ը։
Նշվում է, որ այս գործարքը հետևում է Dubai World Ports-ի և թուրքական Evyap խմբի միջև կնքված համաձայնագրին, որը հանգեցրել է բաժնետոմսերի փոխանակմանը DP World’s Yarımca նավահանգստի և Evyap-ի նավահանգստային օբյեկտների հետ: Գործարքի շրջանակում Evyap-ը ձեռք է բերելու Թուրքիայի DP World Yarımca նավահանգստի բաժնետոմսերի 42 տոկոսը: Համաձայնագրից բխող միավորված կազմակերպությունը կոչվելու է DP World Evyap:
Էվյափ նավահանգիստը տարեկան կարող է բեռնաթափել 1,12 միլիոն տոննա հեղուկ ապրանք և 500,000 տոննա ընդհանուր բեռ: Այս ձեռքբերումը Dubai World Ports-ի ավելի լայն ռազմավարության մի մասն է՝ ընդլայնելու իր գլոբալ տարածքը, որի ներդրումները 2022 թվականի դրությամբ հասնում են մոտավորապես 65 միլիարդ դոլարի, հայտարարել է ընկերության նախագահ Ահմեդ բին Սուլայեմը։
Բացի այդ, Dubai World Ports-ը դիմել է Evyap Deniz ընկերության վերահսկիչ փաթեթի համար։
Հավելենք, որ Թուրքիայում տնտեսական ճգնաժամի ֆոնին նախագահ Ռեջեփ Թայիփ Էրդողանի՝ հուլիսին ԱՄԷ կատարած այցի արդյունքներով երկու երկրների միջև տարբեր ոլորտներին առնչվող 50,7 միլիարդ դոլարի 13 համաձայնագիր էր ստորագրվել։
Էմմա Չոբանյան
