02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Չորս տերություններ նախազգուշացրել են ՌԴ-ին և Հյուսիսային Կորեային՝ զերծ մնալ սպառազինությունների գործարք կնքելուց
Քաղաքականություն
31.08.2023 | 22:38
Չորս գերտերություններ նախազգուշացրել են Ռուսաստանին և Հյուսիսային Կորեային՝ զերծ մնալ սպառազինությունների գործարք կնքելուց, գրում է VOA-ն։
Միացյալ Նահանգները, Ճապոնիան, Հարավային Կորեան և Մեծ Բրիտանիան հայտարարել են, որ Մոսկվան և Փհենյանը, հնարավոր է, գործարքներ են կնքում Հյուսիսային Կորեայից Ռուսաստան զգալի քանակությամբ զինամթերք մատակարարելու համար՝ Ուկրաինայի պատերազմում հետագա օգտագործման նպատակով:
ՄԱԿ-ում ԱՄՆ դեսպան Լինդա Թոմաս-Գրինֆիլդը չորս տերությունների անունից հանդես է եկել համատեղ հայտարարությամբ՝ նշելով, որ Ռուսաստանի և Հյուսիսային Կորեայի միջև սպառազինության վերաբերյալ բանակցություններն «ակտիվորեն առաջ են ընթանում»։
Հնարավոր համաձայնագրերը կարող են ներառել նաև հումքի մատակարարման դրույթներ, որոնք կարող են օգնել ռուսական պաշտպանական արդյունաբերությանը, ասել է ամերիկացի դիվանագետը:
«Սպառազինության ցանկացած նման գործարք կլինի ՄԱԿ-ի Անվտանգության խորհրդի բանաձևերի լուրջ խախտում, որոնք միաձայն ընդունվել են Հյուսիսային Կորեայի միջուկային փորձարկումներից և բալիստիկ հրթիռների արձակումից հետո», – ասել է Թոմաս-Գրինֆիլդը:
