07.12.2025 | 19:45
Բնակչության իրազեկվածությունը՝ սեյսմիկ ռիսկի նվազեցման կարևոր բաղադրիչ․ հարցազրույց՝ Սոս Մարգարյանի հետ
Աբովյան-Նոր Հաճն ճանապարհին բեռնատարներ են բախվել․ կան տուժածներ
31.08.2023 | 13:15
Օգոստոսի 31-ին՝ ժամը 10:20-ին, Կոտայքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Նոր Հաճն քաղաքի կամրջի մոտակայքում տեղի է ունեցել ՃՏՊ, առկա է վառելիքի արտահոսք։
Ինչպես տեղեկացնում են Փրկարար ծառայությունից՝ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Աբովյան-Նոր Հաճն ավտոճանապարհի 2-րդ կմ-ին բախվել են «MAN» (վարորդ Ա․ Ն․, ծնված 1979 թ.) և «Ford» (վարորդ՝ Ս․ Շ․, ծնված 1975 թ.) մակնիշների բեռնատարները։ «Ford» մակնիշի բեռնատարի վարորդը և ուղևորը հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են բավարար:
Փրկարարները հոսանքազրկել են ավտոմեքենաները և կատարել ճանապարհի լվացման աշխատանքներ:
