15.09.2026 | 23:00
Թրամփը հայտարարել է, որ TRIPP-ը մեծ առավելություն է տալիս Թեհրանի հետ հարաբերություններում․ The Hill
ԱՄՆ պետքարտուղարի տեղակալը Լիլիթ Մակունցի հետ քննարկել է Լեռնային Ղարաբաղում հումանիտար իրավիճակի կարգավորումը
Քաղաքականություն
31.08.2023 | 15:47
ԱՄՆ պետքարտուղարի եվրոպական ու եվրասիական հարցերով տեղակալի պաշտոնակատար Յուրի Քիմը հանդիպել է Վաշինգտոնում ՀՀ դեսպան Լիլիթ Մակունցին։ Կողմերը քննարկել են նաև Արցախում տիրող հումանիտար ճգնաժամը։
«Պետքարտուղարի տեղակալի պաշտոնակատար Քիմը ողջունել է դեսպան Լիլիթ Մակունցին։ Կողմերն ամրապնդել են մեր երկրների համատեղ հանձնառությունը Լեռնային Ղարաբաղում հումանիտար իրավիճակը կարգավորելու և հայ-ամերիկյան երկկողմ հարաբերությունները զարգացնելու հարցում»,- ասվում է ԱՄՆ Պետքարտուղարության Եվրոպայի ու Եվրասիայի բյուրոյի՝ X-ում տարածած գրառման մեջ։
ՀՀ դեսպանն իր հերթին հայտնել է, որ քննարկվել է Արցախում իրավիճակը։
«Մենք քննարկել ենք Լեռնային Ղարաբաղում հումանիտար ճգնաժամի հանգուցալուծման հրատապությունը, ինչպես նաև Հայաստանի և Միացյալ Նահանգների միջև երկկողմ հարաբերությունների ընդլայնման հեռանկարները»,- ասվում է Մակունցի X-ում արված գրառման մեջ։
Էմմա Չոբանյան
